Khiliah Lapo Ei Hry Laih Nota Lyrics

- HC. Chhuakhu

Khiliah lapo ei hry laih no ta,
Khataih la tawh cha ma a vy laih hra tly?
Veiseihna lyuhbie hla awpa ngia tloh va,
Khataih la ma a kho laih ha tly?

CHORUS
Aw laih ngapa ta ngia tlo va,
Veih la chha ta naw sai la;
www.marathyutlia.com
Khaitlu khiahhlo tlah aw.

Na lailahzy ei vaw saih chata,
Rairao khiahhlo na patlah satuhpa y vei;
N lailahzy ta chyh-ei nga hra sala,
Kei chata la na ngia rili na !

Rianai iadi na hawh hneipa y vei,
Cho Hiahvano cha ma cha vaw tao patlua tly !
Lailah hro lia Khohphei kia awpa,
Chapasaih vana a ryh thei khao vei.

Ei Nu Vaw Kua Ha La! Lyrics

- HC. Chhuakhu

Hy Rianai khochai y,
Vahihsyno hawh changie na;
Mohtlei cha awpa pasaih vana,
Ei nu, vaw kua ha mah y.

CHORUS
Lailah zydua chho laih na ta,
Na tao kheipa rai y vei ei;
Ei nu, vaw kua... vaw kua ha la...
Kei rairao lohtlah n'awpa ta.

Zahnia ei rama la tlai cha,
Dyhhro cha sai na chhuah chi;
Kei chata tao a rutu ha na,
Ei nu, vaw kua ha mah y.

Rianai ei ti thei vei tawh cha,
Raihthli chhaota ei kua laih aw;
Kei cha vasah n'awpa sai he ma?
www.marathyutlia.com
Atlahpa ta mapha ha sy !

HC. Chhuakhu Biography

HC. Chhuakhu he 1964 July 15 pa ta Siaha Bazar liata vaw pih ta, Puhpa HC. Sialua (L) nata Pihno A. Chiny (L) zy saw utheih chaipa pazipa a cha. A satliana daihti liata cha Hla sa thai kawpa nata a laluah kawpa a cha. Ei hluhpi tlai Competition liata sakhana Lyma a dao phapa cha ta, 1984 pa tawhta Hla phi pathao ta hla 13 tlai a vaw phi haw. Nietluana liata cha, Driver MADC ry liata hria ta, 1995 August Noh 6 pa ta N. Nody nata a hnei ei ta, sawchapaw 4 hneipa ta Siaha Bazar liata ama pahra nga hai.

Veih La Lyuhbie Lyrics

- Handell Chhachhai

Hnoh la eima kaona daihtizy kha,
Lohtlahpa ta charei laih pi;
Chhaih n'awpa noh vaw chhi heih ta,
Tao thai a ru chhohso loh lia.

CHORUS
Khazia ma ei cha vaw tyh Rianai,
Ei phuh leipa hmah cha hra la;
Tao thai a ru ei tah chhohso lia,
Veih la lyuhbie hla thai no y.

Phahnai khao vei chhohso loh lia,
Lana tlei hapa noh kha la !
Ei chhohso rai za tlah thei vei,
Cho Khazoh ryhrao lei va ma?

A chha chaina ta phuh lei no,
Na maochhie leipa la, Rianai;
Hrochhoh ta na my ha mah y,
www.marathyutlia.com
Kei chhao ei cha my ha ba aw.

Handell Chhachhai Biography

Handell ChhachHai he Puhpa Allen Hiahmo (L) nata Pihno N. Nachi (L) zy sawchapaw utheih chaipa cha awpa ta, 1975 November 17 pa ta Tipa V liata vaw pih ta, hla sakha ngalah phi ta, a hla phipa deikua cha a laluah kaw. 1997 October Noh 10 pa ta B. Lalhmangaihdawngzuali nata a hnei ei ta, Sawchapaw 2 nata Sawchano 2 ama hnei. Nietluana liata cha SA PWD Office liata a hria ngahaipa a cha. New Colony, siaha liata ama pahra.

Na Chhao Kei Eih, Kei Chhao Na Eih Lyrics

- H. Solomon (L)

Ei yru chah ei sai tyhna,
Zakhano cha khai ha hrasa;
Ahi hualua charei khohpa,
Ei cha hrua chanei heih.

CHORUS
Hy vana a pasa, hy vana a pasa !
Na chhao kei eih, kei chhao na eih;
Na tahpa kha Rianai.marathyutlia.com

Chhohhno ry lia rai sana,
Sai pachahna lyuhbie zydua;
Ahy saliah nawhhly cha ma?
Khohphei na kialah aw tly?

Hazoh Chothlah khaihna ry lia,
Lapoh vaw pavia laih tyhna;
Loh lia ei paveih chai na dei,
Na tah pakha Rianai.

Ei Cha Ngiah Rili Aw Na Lyrics

- H.Solomon (L)

Tahma ei cha tyhno no-ah a chhih kaw dia !
Zakhanozy kha cha hmo beih va;
Na hnahzo khochhihpa mo-ai lei chaino y,
Lohlie iahdi ma na chei?

CHORUS
Na tha ei cha ngiana, ei vasah na,
Zasah no sikhoh laih hra sala;
Kei la ch'aw my aw va, ko sahkha lei hrasa,
Ei cha ngiah rili aw na.

Chhohso va na pasha awpa ta na vaw pih,
Hnahzo ady rualuah chai no y;
Ei cho Hiahva no ma pawh chai patluapa ta,
Rianai cha vaw tao tly i?

Chhaohlei pahra zydua lohlia ei hreina maih,
Na panga tuh ahy hmah y vei;
Na dei Rianai khochai ei lyna chai na cha,
Rianai na pangia mah y.www.marathyutlia.com

Ei chohsu la cha la, laihna khizaw liata,
Rianai a kao hreilei laih ei si;
Meih hawh a pai aw na, na thangiahna zy,
Chhohso loh ta a cha aw ma?

Meikiah lo ba mah y, chhohso vasahna zy,
A pai bao na hah ngia chai no y,
Ei cha phuhleipa khiah lyuhbie na pasia la,
Chyuhlei la a tleipa ta.

Khataih Lia Ma Na Y Lyrics

- H. Solomon (L)

Chahva vaw chhi lohlie to saih heih tua ei si,
A thieh pathi rili hnoh la zaizy ngiahna;
Paw hawh a lo chiepa ngiahna kei cha a pasa,
Na tao khei la, khydi chhohso vasahna he.

CHORUS
Hy vasahna chha thai vei,
Rairao keimo ei tovyuh; www.marathyutlia.com
Vahpia ti hawh loh zaolao la ei chhohso lia,
Vasah lohhia hreipa dei na keima ei tovyuh;
Chhaih lei no kei chata khataih lia ma na y?

Chhaohlei cho lia kei hawh vasah taopa y aw ma?
Tlahpada tho soh lia Hlichhyh va a sahpa hawh;
Hly-ah tha a ngiahna raithlih palo laihpa hawh,
Hnahzo chyuhlei vati hria tao kei cha a pasa.

Ei cho noh ly vaw tla hazoh vaw chhi heih ta,
Lailah hrozy lohdu a paw lah laih ei ta;
Kei cha khataih lia ma mohku rama ei khaih aw?
Hazoh ei Chothlahpino khaih phana lia dei ma?

Khataih Lia Ma Na Y Lyrics

- H. Solomon (L)

Chahva vaw chhi lohlie to saih heih tua ei si,
A thieh pathi rili hnoh la zaizy ngiahna;
Paw hawh a lo chiepa ngiahna kei cha a pasa,
Na tao khei la, khydi chhohso vasahna he.

CHORUS
Hy vasahna chha thai vei,
Rairao keimo ei tovyuh; www.marathyutlia.com
Vahpia ti hawh loh zaolao la ei chhohso lia,
Vasah lohhia hreipa dei na keima ei tovyuh;
Chhaih lei no kei chata khataih lia ma na y?

Chhaohlei cho lia kei hawh vasah taopa y aw ma?
Tlahpada tho soh lia Hlichhyh va a sahpa hawh;
Hly-ah tha a ngiahna raithlih palo laihpa hawh,
Hnahzo chyuhlei vati hria tao kei cha a pasa.

Ei cho noh ly vaw tla hazoh vaw chhi heih ta,
Lailah hrozy lohdu a paw lah laih ei ta;
Kei cha khataih lia ma mohku rama ei khaih aw?
Hazoh ei Chothlahpino khaih phana lia dei ma?

Alyna Noh Za Chhi Tloh Va Lyrics

- H. Thylo (L)

Rianai kei chata laihna khizaw lia,
Alyna noh za chhi tloh va, hrochhoh noh liata;
Syna Opivawzy ei sai chah ta,www.marathyutlia.com
Laihna noh phana zydua kha my beih aw va na.

A pasa tu na, na tha ei ngiahna,
Pacharohna meih hawh hmia lia, na ti khah khai ei;
Kei cha chho khiliah palah zaolao ta,
Phei lia haina lapo zachhihpa ngiatiah va.

Na thei laih hra ma y, eima kaona zy,
Rah la sie za ti khai hrasa rohpady laihna;
Vahpia ti no nah tho phaona daihti,
Chhohso loh lia myna noh rai hnei beih aw va na.

Rianai kei chata laihna Khizaw lia,
Alyna noh za y tloh va hrochhoh kei chata;
Rianai na zaw kheih ta na chhohso lia,
Naw tah hra la, rairao chhohso khiahhlo tlah n'awpa ta.

H. Thylo Biography

H. Thylo (L) he ko 1936 March Noh 9 pa ta Saikao khi liata vaw pih ta, a paw cha H. Khiko (L) cha ta, ano Chiapy (L) a cha. Ano he hla varo tlai vaw phi ta, a hlapazy he aloluah kawpa sai a cha.

Khono Bydi Lyuhbie Lyrics

- H. Solo

Khono nydi lyuhbie chaw hla vei ma?
Khazia la eina tlei sai ha chi?
Vaw kua thai khao aw va chi ma, Rianai,
Ei tah ngah lei no chhithai no kha.

Tlahpada to ei hryna maih liata,
Tuhpi Kaliano hawh cha ngie na;
Vahihsyno hawh ta ei cha ngia tyhpa,
Rianai lytlah na kho ba aw ma?

Zahnia ei rama lia chhaota khono,
Na tha ngiah lyuhbie paryh laih na;
Lohlie dei he ma rairao ei chha lia,
Ei tovyuhpa vaw cha ha tly i?

Sikhoh riahzy chhao chi leita Rianai,
Na tha ngiah lyuhbie paryh laih na;
Na kho awpa khiah chhaihna bie reih si,
www.marathyutlia.com
Atlahpa ta chhazaw cha mapha !

Chahva Vaw Chhi Lyrics

- H. Solo (Hrado Solo)

chahva vaw chhih khiahhlo lie ta,
Ei vaw sai na rah zydua;
Khizaw kei chata a zoh tu,
Noh lyno chhi thei khao vei.

CHORUS
Lohlie kei cha tao a ru tu,
Kaolah hnei lei paw kei he;
Lyna pawti ei sy tyhpa,
www.marathyutlia.com
Eina lo sai aw chi ma?

Na no nah paw chhuah na la cha,
Vatlei mah y, lohdu no;
Kei la ei nawhhnai tu hnaih ta,
Chati tei beih aw vana.

Khono lytlah na kho aw khia,
Chyuhlei no a tlahpa ta;
Hnoh la zaizy na sai chah ta,
Na vaw ngiah tyh hra mah y.

H. Solo Biography

H. Solo he Puhpa Vakhu (L) nata Pihno B. Sieso (L) zy saw utheih chaipa cha awpa ta, Lobo Khih liata vaw pih ta, 1976 May 25 pa ta Machho Zawtha nata a hnei ei ta, Sawchapaw pakha nata Sawchano papalih ama hnei. Ano he a daihti nota cha Hla a sa thai kawpa cha ta, 1972 pa pa liata Mara Culcuture Exhibition liata 2na Lyma a dao phapa nata Aizawl Radio Artist a cha. Atahma Siahatlah-I liata pahra hai.

Sona Tikhaoh Lyrics

- Dr. S. Hrachu

Thyu u la, Mara saw hmia la pangai su vy,
Daihti pha eima hnei chhoh he ta;
Rietheina hluh hrasa tiama ta tao ei si,
Eima rah hmasiena cha ta.

CHORUS
Atahma he thaina sona tipasohpa cha a loh hai,
Cha su cha pangai s'u rietheina hluh hrasa;
Sona tipasoh doh aw pi.

Thyutlia na khih bohpi siesai ta cha su la,
Sie'pa ta na rah ta a cha hnaw;
Mara rah zohpa he pakhaih s'awpa ta,
sona tikhaoh pangia mah y.

Molah kithlao ry lia laphoh to thlu hr'ei si,
Sihnoh chhy laihna noh chhi ba se;
Mara saw keimo ta bah lia a cha ao si,
Lyna khih pavana su la. www.marathyutlia.com

Vaw Sai Hra Tua Lyrics

- Dawdaw Hlychho

Lytlah bypi tozy ei vaw sai laih chah ta,
Eima hniehnoh sai ta za y chhohso; oh yeah !
Daihti kho chiehpa ngiahna he kei chata la,
Raithlih vahpia ti hawh a loh a pasa cha !

Totie ropadyh chah chhohso a pasa cha,
Hrochhoh chata ei vaw taih la no la, oh yeah,
Likah bypi thaipazy vaw hluh tu h'ei ta,
Khydi hropa pawti eina zy sai ha.marathyutlia.com

Lyuhbiezy ei n'aw hla hr'aw khiah ma tahpa ta,
Kaliah rah tawhta kha chaw ha tyhna, oh yeah;
Chasa na kuzo hmopa rai y thei tloh va,
Ei 'D' hnoh cha einaw chhy ha tlai aw chi ma?

Kyhpachana rakha pahno thai khao lei ta,
Kei la loh ei cha vaw du tu naih ta; oh yeah;
Noza hmiachhie ta ei hluhpi ch'aw soh ha na,
Na ngiahthai la ydah zy tlao naw chho mah y.

Ei phuh lei awpa ma tlao ei cha vaw tyh haw ?
Kei cha chosupa ta ch'aw sai tyhna; oh yeah;
Khiah la lyuhbie eima paryh hapazy kha,
Meihthah hawh a cha khai aw ma? vaw sai hra tua.

Khazia Ei Cha Tyh Lyrics

- Dawdaw Hlychho

Yru lohlie ta tlah to nah su tozy sai laih na,
Hna na pangatuah awpa hnabeiseihpa ta;
Chasa noh nah daihtzy cha vaw khoh laih ei ta,
Kei ei lyna la Sihhno deina eina chhy ha.

CHORUS
Khazia ma chhaohlei cho lia heta ei cha vaw tyh tlyh,
Na nah kei dei hema ei cha khazoh ta;
Hnahzo chyuhlei awpa ta miah a rao ha tly?
Chyuhlei vatu hria kei la tao zie thai vana.

Hnahzo eima tyh tua no kha heta ei chaw sai bao,
Hrozo chhakha ei pawlah awpa tahpa ta;
Chasa noh nah daihtizy cha vaw kho laih ei ta,
Kei ei lyna la sihhnoh deina eina chhy ha.

Khiah la e, marathyutlia.com ei lyna nata hna ei pangana cha,
Na lia kha hmah ei ngiabahpa reipa hnei khao va;
Na ngiachhie kyhpachana dei he na ei ngiabah,
Pasaih khao va chi ma kei cha kyhpachana.

Khataih Liama Eina Y Sai Chi Lyrics

- Dawdaw Hlychho

Na tha ngiahna a pasa heih tyh,
Kei ta loh ei du chaipa y;
Khataih liama na y ha tly?
Ei cha n'awpa deita na vaw pih.

CHORUS
Noh ly chhiki ta ch'aw tlua laih na,
Hnahzo tyh theipa hra cha chi va;
Rairao loh hiahna pasa bao cha !
Khataih lia ma eina y sai chi?

Laihna khizaw liana he,
Kei haw chhohso loh cha dupa;
Ama ypa pangiasa va,
www.marathyutlia.com
Na he ei lyna chai cha tloh chi.

Khazia ei cha vaw tyh tly?
Sikhoh riah chhao za chi lei ta;
Kyhpachana yzie ei sia tawh,
Ei tyh tua chaipa cha ha tloh chi.

A Pahsi Tu Aw Lyrics

- Dawdaw Hlychho

Rianai tha ngiahna lohlie chhih bao cha !
Laihna tlah hra alyu thai khao bao va;
Chhohso ta ngiahna a za pasa bao cha,
Lytlah hro liata ei lyna Khydi.

CHORUS
Kyhpachana pawti ch'aw zyhkhei mawh sala,
Kei saliah hawh lohmaoh;
www.marathyutlia.com
Ei tao chhei tu aw va ma?
Veih la lyuhbiezy la n'aw hla bao khah y,
Rairao chana a pasi tu ha aw.

Laihna khizaw lia heta ei khochai,
Na hawh loh ei du za y tlah veih ei;
Zasah mahnozy ta ch'aw sikhoh hr'ei sa,
Kei chata cha a ngia via rili chi.

Kei thyudyu loh ei vaw maoh tu hnaih ta,
Lynah rai ch'aw pahneisa thai va;
Rairao nawhnaih loh na vaw duna vata,
Kei chhaota kyh ei ch'aw pacha chai hih.

A Ngiah Tyhna Lyrics

- Dawdaw Hlychho

Ei zarohpady tyh daihti kho chiepa zy,
Kha a vaw thie laih tyh nawhhnai chhohso lia;
Kaohreileina zaizy tha dei a ngie laih na,
Chhohso vasahna ta meithah hawh na khu.

CHORUS
Hnoh la daihtizy kua thai heih bao sa,
Ly ta bah lia eima cha-ao laih hei'pa tlai;
Loh ki ta kaohreileina daihtizy kha,
Kei la a ngiah tyhna raithlih chhao ta.

Khiahlo a vaw lie cha khotua ei za thei tyh,
Hnahzo tyh awpa hra thlai ta y thai va;
Tha ngiahna raithlih chhao ch'aw tlua paru tyh na,
Zasah hry lia sikhoh riah chhao chi lei ta.

Kei rairao nawhhnai cha khochai a ryh bao sa,
Khatlu chhohso www.marathyutlia.com lyna ki aw va tly?
Lohlie va rahsah to sihhnoh chhy khaipa ta,
Ei za saduthlie tyh noh ly chhiki.

Tlei Na Chhuahna La Cha Tlei Mah Y Lyrics

- C. Siacho

Chhohso lytlah cha kho ba mah y, Rianai,
Daihti kho chiehpa ngiah khao lei ta;
Na loh cha hiatuh paw la cha va tlei la,
Lohkhi ta laih zaolao lah va chi.

CHORUS
Ch'aw hla khai tloh na lyuhbie paru to,
La na tlei aw chaw tah va hla na;
Chahrasa tahma tleisai na chhuah tloh chi,
Tlei na chhuahna la cha tlei mah y.

Hlano deikua lohdu a vaw tah laih pi,
Tahma dei tleisai na chhuah tloh chi;
Ahy veih la lyuhbie hla thaipa cha ma?
Rianai chhohso cha parao ha tly?

Ei chaw ngiahna raithlih dei ei chhohso lia,
Khono aparu ta ngiah laih na;
www.marathyutlia.com
Lohduno, na ei chati vei tawh tly cha?
Khiahhlo na a za lie tu ha bao !

Miss Irine Lyrics

- Composed By :- C. Lalhranga

Hnoh la daihtizy rohpadyh na,
A thieh heih, ei Di chhohso loh lia;
Lohhia va lei ta eima kaona tlahzy,
Ei saih chah he ta raihthlih palo laih na.

CHORUS
Ei Sia Rianaino, ei Lohduno y,
Chhohso khiahhlo tlahna rai;
Zao hnei thei khao va na,
www.marathyutlia.com
Ei 'Di' lohhia zahreih laih na !

Kyhpacha tua no, Miss Irine y,
Na lailah tua paw viavi n'awpa-
Tahma loh hro phaoh ta eina tleisai chi?
A pasa tu na ! a taozie thai khao va na !

Lailah zydua na sikhoh khuh vy,
Lohlie he na tao a ru tu ha;
Ei sia Dino dyh hro na chasai tawh cha,
Hrona chhao he ta yzie rai hnei thei khao vei.

Chothlahpino y khaih khah la,
Na taokhei la vasah ei chana;
Ei sia Dino mohtlei na cha sai tawh cha,
Thi chhao rai heta no dy thlah ha mawh sy.

Vasah Na Deina Lyrics

- Beithakhu Hlychho

Tlah to nah tho to ei vaw saih chah he ta,
Kei cha lohlie tao pasa rili !
Mohtlei cha n'awpa pawti na zyh sai chi,
Hnoh la zaizy khih ei vaw padeikhei tyh.

CHORUS
Rama hawh a cha'pa pasaih va,
Chothlahpi khaih phana ry lia;
Kyhpachana lyuhbiezy na hla tloh chi,
Chohsulei pawlah la vasahna dei na.

Nohchho he rei ta, za chhao a pahsi tu,
Paina hnei va ! na tha ei ngiahna;
Cho Awhsi charu nozy a kao laih ei,
Na sai chah ta rairao na vaw ngiah hra la.

Na lei heta chha lia ei za lo aw ma?
Khiahhlo tlahpa ta lailah hrozy;
www.marathyutlia.com
Chothlahpi khaihna ry lia a kao laih ei,
Rairao lohtlahna khataih lia ma na y?

Kyhpachana lyuhbie eima paryh no,
A paru mohtlei na chhuah sai chi;
Dawh-ei nata pawmaihzy kho pathliah la,
Kei hawh kyhpachatuh a tyh aw va chi.

Thlah A Kao Laih Ei Si Lyrics

- Beithakhu Hlychho
on 26th January, 1987

Syna O nawh hawh hapa ta,
Rohpadyna hnoh la zaizy;
chhohso pacha kipa ta,
Laihna rahzy ei hryh chah;
Vasah ei chana raithlih bah thei vana.

CHORUS
Chhohso lia rohpady hra la,
Sikhoh riahzy chhao chi lei ta;
Saliah nawh hawh pyhpa ta,
Chhohso zydua cha hlana;
Chahrasa mohtlei na chasai ha heih chi.

Rairao kei cha tao a ru tu,
Veih la lyuhbie na thai chai no;
Mohtlei lyuhbie paryh ta,
Dyhcha khohphei kiah hra la;
Chhohso paru lia paw hawh na thieh rili !

Veih la lyuhbie thai chai no y,
Mohtlei lytlah cha va kho la;
Hnoh la zaizy kho chiehpa,
Na zarohpady ti dei;www.marathyutlia.com
Rairao hnoh na chhy hapa na thei hra la.

Chothlahpino khaih hei mawh sala,
Kheihta lohlie ei tao tia aw?
Mohtlei na chasai ha chi,
Sahmia ati khao tloh va;
Mohku rama lachha thlah a kao laih ei si.

Pawmaih 'D' No Lyrics

- Beithakhu Hlychho

Hazoh Chothlapino yru no a khaihna maih heta,
Hnoh la zaizy tha a ngiah laih na;
Zakhano ei lyna tlah eina khosai ha tawh ta,
Chhohso lyna rai hnei thei vana.

CHORUS
Pawmai 'D' No na tha ei ngiahna he kei la,
Vasah ei chana he bah thei vana;
Vasa ei cha n'awpa rah sai ngah vana hy Rianai,
Ngiahna lohlie tao a pasa tu na !

Lailah hrozy la sai na pahneih silina chota,
Lohdu chhohhno lia lyuhbie hla ei;
Kei rairao lyuhbie paru hla n'awpa dei he Rianai,
Thlihhua nai zualua no lia dei ma?

Tlahpada to ei hryhna maih sihhna-i paru na,
Lyu rah tho soh nohpahli ry to;
Noh ly chhiki na hnahzo hmo a ngiahtiah va, Rianai,
Hy vasahna kei cha chha thai vei.www.marathyutlia.com

Vala ei zohna maih Vahihsyno hawh cha ngie na,
Chhohso ry lia cha paveih laih na;
Vasah lyuhbie paru totie cha hla hma va, Rianai,
Laih zaolao charei khoh heih n'awpa.

A Pah-ru Ta Raithlih Palo Laina Lyrics

Composed By - Beithakhy Hlychho

Ei lailahzy sai pa chahna,
Kei hawh vasah tao tla veih ei;
Khiahhlo tlah nawpa na pie la,
Vasah ei chana rai chana rei tu !

CHORUS
Vasah ei chana he, naw panga la Rianai,
Hy Kei dei lohhiah hrei laihna;
A pah-ru ta raithlih palo laihna.

Tlahpada to ei hryna maih,
Vahihsyno hawh cha ngiena;
Na tha ngiah vasahna dei ma,
Ei cho Khazoh raopa keima tovyuh.

Khiahhlo tlah n'awpa tlua tyhna,
Thyutlia ei lailahzy hry lia;
Zasia Rianai nama lei ta,
Chhohso khiahhlo tlahna rai hnei va na.

Yru totie rohpadyna,
www.marathyutlia.com
Rianai eima kaina tlahzy;
Khiahhlo tlah n'awpa cha sala,
Raithlih chhaota chahryh laih nga ei khoh.

Ei Di Na Tha Ngiahna He Lyrics

- B. Teko, Zyhno

Ei yru chahta totie rohpady laih na Rianai,
Hnoh la daihti ei za rohpady chata;
Na tha ngiahna meih hawh na khu khai ha ta,
Pai thei vei ei 'Di' na tha ngiahna he.

Vahihsyno hawhna khi ta cha ngie laihna khono,
Hazoh cha Thlahpi khaih phana ry lia;
Khiahhlo liena cota ei chareipa he,
www.marathyutlia.com
Na sekhoh khao vei laihlah zydua ta.

Hy dua sai hra tua la, cho Awhsicharu nozy khi,
Kao hreileipa ta charei khoh laih ei ta;
Keima rairao hara viavi paw dei he,
Na tha ngiahna bah the vana, Rianai.

Hnahzo cha chyuh thei vei hr'aw sa;
Kyhpacha tua no y, lapaw lyuhbie lia chhata naw my khah y,
Dyhcha khophei na kiah tita deikua cha,
Na veih la chha na vaw ngiah tyh hra la.

Ei Di Na Tha Ngiahna He Lyrics

- B. Teko, Zyhno

Ei yru chahta totie rohpady laih na Rianai,
Hnoh la daihti ei za rohpady chata;
Na tha ngiahna meih hawh na khu khai ha ta,
Pai thei vei ei 'Di' na tha ngiahna he.

Vahihsyno hawhna khi ta cha ngie laihna khono,
Hazoh cha Thlahpi khaih phana ry lia;
Khiahhlo liena cota ei chareipa he,
www.marathyutlia.com
Na sekhoh khao vei laihlah zydua ta.

Hy dua sai hra tua la, cho Awhsicharu nozy khi,
Kao hreileipa ta charei khoh laih ei ta;
Keima rairao hara viavi paw dei he,
Na tha ngiahna bah the vana, Rianai.

Hnahzo cha chyuh thei vei hr'aw sa;
Kyhpacha tua no y, lapaw lyuhbie lia chhata naw my khah y,
Dyhcha khophei na kiah tita deikua cha,
Na veih la chha na vaw ngiah tyh hra la.

A Thie Rili Lyrics

- AZ. Ngokhaw

Chahva vaw chhi lohlie a chhih bao cha !
Hnoh la eima kaona daihtizy kha !
Rohpadyna Khohphei cho tawh,
Ei kyhpacha chhohsa beino.

CHORUS
A thieh rili ei chhohso lia,
Khiahhlo rai za tlah thei vei;
Tao thai a ru tu Thyutlia lohmaoh chata.

Hnoh la eima kaona daihtizy kha !
Na cha sai daihti vaw hmah tyhna;
Atahma Rianai khochai y,
www.marathyutlia.com
Khataih tytlah na kho ha tly?

Cha khiah la, Rianai va kho ba mah y,
Ei cha'aw tlaichhai kaw tyhpa hnai ta,
Lypa ta Khizaw vaw hmah la,
Atlahpa ta va kho mah y.

Chyuhlei Seihnai No y Lyrics

- Andrew Richard

Tlahpada to ei hryh chah ta,
Khiahhlo a vaw lie rili !
Hnoh la daihti ei sai chah ta,
Ei naw patheisa khai ha tyh.

CHORUS
Chhaihna bah lia a cha-ao ei si,
Chyuhlei seihnai no y;
Ei cha phuhleipa tawh tly cha,
Lytlah cha va kho mah y.

Rianai ei cha ti vei tawh cha,
Kei cha a pasa rili !
www.marathyutlia.com
Na kho paw la vha va tlei la,
Lohhiah leita kho mah y.

Rairao hnoh na chhy ha tawh cha,
Aw hre sih la kua thai va;
Cha patleisatuhpaw la cha,
Na va tleisai ba mah y.

Paw Hawh Paw Khoh Pi Lyrics

- FC. Minela
On 9th April, 2004

Thlihhua nai zualua ta a pathlina,
Pawpi paw to paw na rah;
Vapeirah tah ta bie lei thei cha vei,
A rah hneituhpazy cha ta.

CHORUS
A chhoh lia Mara Phopi chi tozy pi,
Rah hro tha ngiah lei ta;
Paw hawh paw khoh pi,
A palaikhei lei theipa cha va na,
Mara saw tah ei vaw pihpa he.

Rah hrazy nata khopathliah tyhna,
Ei pina Mara rah he;www.marathyutlia.com
A ngia pachai na rah hro zydua hla,
A hnahzo sai na-ai thei vei.

Hnahzo tleihna noh a hnei beih leipa,
Ti nah rah khochhihpa he;
Hrochhoh noh daihti kaw hma nawpa ta,
Loh a du tlai na, kei cha ta.

Lytlah Eina Khosai Lyrics

- FC. Minela
1997 December

Za noh tla phana ry liata
Lohki leita via laihna;
Daihti kho chiespa loh lia za thieh rili !
Lohdu chareina la cha rohpadyna ei chhohso ta;
Ei khiahhlo rai tlah thei vei,
Kaolah hro hnei ha tloh ta;

Lailah hrozy deikua la e,
Lohkipa ta a kao laih ei;
Kei dei ei chhohhno ry lia raithlih chhao ta,
Ei kyhpacha ei nu hnahzo rohpadyna ei chhohso ta;
Ei khiahhlo rai tlah thei vei,
Nawhhly a pyh ha tloh ta.

Ei saduthlienazydua cha,
Rama hawh a cha khai haw;
A chhohso loh lia kei cha su y khao vei,
Ei lohkhy viasazy sai u, duah naw sai khei hra tua u la;
Ei chhohso beino hnai ta, www.marathyutlia.com
Lytlah eina khosai haw.

Lyuhbie Hla Hma Lei Lyrics

- By Amasa Syuhlo
Phi Noh 27/04/1992

Kyhpacha lyuhbie ei hla hma lei no, (paw),
Khazia e, lohhro a phaooh ha tly?
Lyuhnie paruzy vaw hla hma aw sa,
Rianai la na tleisai leipa tlai.

CHORUS
Ei lyna Rianai eina lo sai tawh,
Hazoh rama la tlai a ngie na;
Pawh chanei heih la, ei tah ngah lei no, (paw),
Noh ly chhiki my thei va na.

Rianai kho chiehpa sai pacha tyhna,
Vaw kua heih awpa a ryh thai va !
Hnoh la daihtizy vaw kua thai sala,
Chhazaw lyuhbie ei hla awpa tlai.

Chahkheituh hnei lei he la Khizaw lia,
Vasah tao awpa a nga thai va;
www.marathyutlia.com
"Ahy ei chho aw ?" na panga awpa,
Chhohso loh lia he tao thai a ru.

Eima Chyuhlei Tawh Cha Lyrics

- A. Thazi

Khono eima khaona ei sai chah ta,
Na tha ngiahna lohlie a pasa tu;
Na dei loh hro na phaohsai ha tloh chi,
Loh a pasa tu, kei vadua rima !

CHORUS
Hnahzo eima chyuhlei tawh cha Rianai,
Chhaihna lyuhbie paryh khoh tua si;
Chhohso lypa ta va kho mah y,
www.marathyutlia.com
Hrozo chha lia ei cha vaw ngiah aw hih.

Kei la pawmaihzy vaw sai laih tyhna,
Kyhpachana lyuhbie paryh khai ei;
Hnahzo a chyuhleipa rai y veih ei,
Chohsu lei vati hria pasa bao cha !

Hazoh cho Awhsizy vaw sai laih tyhna,
Loh tlahpa ta a kao khoh laih tyh ei;
Rianai kei dei lailah chhao hnei lei ta,
Chhaohlei cho lia ei vaw laih aw hih.

Chhaohlei Hela Lyrics

-A. Thazi

Chhaohlei hela kei nawhhnai vasahna sai,
Ei lyna lytlah eina khosai tawh;
Khiahhlo tlahna noh rai ta za pih thei vei,
Khati kei cha lyna noh chhi aw tly?

CHORUS
Ei cho Hiahva ryh maniah rao lei va ma?
Lohdu nah kei eima vaw chhaih ha tly?
Hlihchhy Hlyh-ah phoh ama reipa hawh na,
Lohduna kei la ko miah vaw daih ei.

Ei pasaih lei lohdu ei rie chai paw kha,
Chhaihna bie siapa chhao naw hla lei ta;
Lohhia lyubie cha paphao ha aw sala,
Hnoh la sikhoh a pameih aw va ma?

Chhano palie lohdu kua thai khao tloh va,
Chhohso kipa ta eima kaona zy;
www.marathyutlia.com
Ei sai chah heta loh lia tao thai a ru,
Khohphei cho tawh eina thei hr'aw va ma?

Kali yru no y, a ngie nga khah la !
Kei chhao ei kho tua paw ei chhaih ha na;
Hnahzo lia ngiahna raithlih rai hi thei vei,
Kaolah hnei lei yru ta via laih na.

Atlahpa Ta Mapha Lyrics

- A. Thazi

Daihti nata nohzy a kho lyma,
A chyu kaw dia eima lyna nohzy;
Pasaih leina cho a chhaih khao aw pi,
Chhaihna lyuhbie dei rei khoh tua ei s'u.

CHORUS
Tahma deikua a chhaih khai chy hr'ei si,
Cho Khazoh miah hrobie lyma sala;
Tyhheih nawpa noh a vaw chhi heih aw na,
Ei lailah zydua atlahpa ta Mapha.

Viasa saih u, za sai hra tua u la,
Thapha ta eima kaona nohzy he;
www.marathyutlia.com
Lopa ta sihnoh vaw kua khao aw vei,
chhohso lia dei a ngiah laih tyh aw pi.

Lohkipa ta laihzaolaona nohzy,
Rama hawh za cha khai hrasala;
Hy ! ei viasa lohkhy zydua saih u,
Hnoh la tha ngiahna he pai thei aw vei.

Rohpadyna ngiahtia va chhohso lia,
Thapha ta eima tyhheih nawpa heih sa,
Cho Khazoh ryh mania raopa heih sa,
Tyhheihna lia lyta kao heih aw pi.

Veihseih Palohhah Lyrics

- A. Chhualai

Hlano mahno mahpaw zy daihti liata,
Hro ngia chaipa ama za hneipa cha;
Veihseih palohhahna hro a ngia chaipa khawh !
Atahma thyutliazy chha lia deikua hmopa a soh kaw ba na,
Veihseih palohhahna hro a ngia chaipa khawh !

CHORUS
Veihseihna palohhahna
Thyutlia saw saih u, pahro heih ba ei suh u,
Unawh saih u, duah thyu tua s'u,
Hlano mahno mahpaw hro a ngia chaipa nah pha chaipa,
Veihseih palohhahna hmah ba heih ei suh.

Atahma keimo thutlia sawzy pi la,
Eima hro a ngia khao vei, www.marathyutlia.com
A chieh lei viazy baona chah eima phahla haw,
Opa lyuhrizy a saiheina nah achakuhchavei chaihzy chhao,
Hnei thai khao ma pi, a hra ha tua suh u.

Siaha Khihpi Lyrics

- A. Chhualai

Eima laikathi haosa liana khu,
Khihpi hluhpi a y;
Ama khihpizy a pha, ama mohoh pha,
Lapi sieno a pha;
Biehneituhzy nah a tao theituhpazy ta ama vei ngasa,
Khizaw a sah lymapa hawhna heta, (khita)
Cheihchalopa ama chhuah.

Keimo Mara saw khihpi hneichhohpa,
Siaha khih dei hena;
Pahratuh hnei lei hawh ta mohotuh hnei lei,
Khirypa hawh dei ta;
Hmahsiena hnei lei laiseihna hnei lei,
Ngiachhie na chhi kaw dia maw !
Eima khihpi hnei chhoh Siaha khihpi he la,
Moh nga khoh ta rai cha vei !

CHORUS
Pawmaih 'D' chareina Siaha Khihpi,
Thlihhua nai zualua a pathli;
Na tyu duana su a ryh thlah bao na ta,
Mohohtuh deikua na hnei vei hih.

Eima lapi sienopa zydua nah, tihry kyh zydua he,
Thoko riko nah saikao rikao zy;
Yzie hnei khai thei sa,
Hnaihny hnaivah nah chiatlao chiavoh;
A vaw pathaih khai thei ha khiah,
Zilih pathaih nah thlihhua ropahahnazy sai ta,
A vaw bie khai ha aw. www.marathyutlia.com

Na Reih Zakhei Kha Lyrics

- A. Chhualai

1. Marapa rah he ahy eih maw?
Marapa saw eih cha vei ma?
Marapa reih he ahy a cheih aw?
Marapa thlyu he cha ma pi ma?
Khazia rai maw eima zakhei kaw?
cho Khazoh ta miah piepa tlai.

Marapa rah mohohtuh awpa he,
Marapa saw he cha ma pi ma?
Marapa reih cheihtuh awpa he,
Marapa thlyu he cha ma pi ma?
Khazia rai maw eima zakhei kaw?
Cho Khazoh ta miah piepa tlai.
Va Khazoh ta miah piepa reih
Pasona chah pahno via tua s'u.

2. Totie zydua ei vaw rohpady chah hrata,
Chhohsoh lohhiana rai ta za pai thai khao veih y, kaihna he,
Laihna Mara rah hropa hra y tlah va,
Mara saw zydua saih u, dua sai via tua s'u,
Eima ti nah rah nah leilo nah reikah he, Keimo tlai ta chhohso hmeiseih ta kokih suh u.

Na reih zakhei kha, cheih lyma teh,
E cheih lyma teh,www.marathyutlia.com
Na reih zakhei kha, cheih lyma chah chi,
Cheih via chah chi.

Keimo Mara sawzy pi he reihzy zakhei ha ta,
A rah leilozy pahlei-pahlo hatuhpa;
Eima cha awpa rai cha vei,
Eima reih nata rah leilozy eima pahlei-pahlo ha lei nawpa ta,
Cho Khazoh ta Puhpa Vaili mahpaw vaw tuah ta,
Miah a vaw pachhosa khai hapa kha,
Khizaw soh thih eima vaw pahla no ta,
Eima Ohmo, sahdo rah, leipaliezy,
Eima vaw pahleipahlo hapa chhaota,
chi hro pho hro hnoh ta pahleipahlo leipa ta,
Keimo eima chi heih hnoh cheingei ta,
Pahleipahlo tlao a chhuah suh vy.

Cho Khazoh ta miah a piepa reih nah,
Rah leilo hmoto zydua he zakhei hapa nata;
Pahleipahlo thlah ha leipa ta,
Tla dao via rili lyma suh vy !!!......

No to paw tozy, satlia nah laihsazy,
Sawnawh zydua saih u,
Duah sai pahsi via tua suh u,
Ti nah rah nah reih he pabohsa awpa ta,
Keimo ku liata ngalah ta na a pahnieh thlah ha e.
Hyutu nawhzy saih u, a thai a sonawh zy,
A thai lei via nawhzy chhao ta paloh a hmaohkha ba suh u,
Chatina cha reih nah rah he a vaw boh khai ha ba aw.

Mara Saw a Daodo s'u Lyrics

- A. chhualai

Eima pina Mara rah Cho Khazoh ta miah piepa rah he,
Chi hro pho hrozy ta miah ama disao aw ma?
Disaopa pho awpa ta cho Khazoh ta miah rao veih y,
Kiahsah lyma awpa nah laiseih lyma awpa,
Nah tlao eima cha.

CHORUS
Marapa sawzy a daodo ei suh u,
Kyh apacha raihrie chyu suh u;
A isi khah ei suh u,
Chi hro pho hrozy hmiako liata,
Amo pahnainazy hnei lei ta,
A khokhei chyu suh u.

chi nah pho ativypa hneiropa nah riahphapa cha awpa ta,
Hmoto taona lyh liata,
Keimo he a pahro thai ei sih la,
Cha tita la, chi nah pho rah nah leilo
A hu ahieh ha aw.www.marathyutlia.com

(Bridge)
Eima rah he a rao hana tah tloh pi,
Taopathi hmeiseih a chhuah pi va;
A reih tah reih nga lah he la cha vei,
Tha nah soh nahta tao hmeiseih a byuh hih.

Kei La Ama Hawpa Na Ei Khoh Lyrics

- A. Chhualai

Ei rohpady ei khiahhlo na lie via,
Rihkha unawhzy hra lo ha ei;
Ama hmia hnahzo hmopa rai y khao vei,
Khiahhlo na lie chhohso va a sah;
Marapa saw O lyu nah rahzy,
Noh tato ta zao lyma ei;
Kheihta eima tao aw? Lailah zydua saih u,
Duah sai pacha khoh tua s'u.

CHORUS
Daihti hra cha miah ha tloh va !
Noh nah dawhzy kho lyma ei;
Ei kho hra ha vaw kua khao tloh va,
Kei la ama hawpa na ei khoh.

vati phana rah hmah phazy,
Ama rao khai dahdei aw he zaw!
A chhoh liata sa chi to nah vaw tozy nah,
Nga chi tozy chhai ama leidia khai haw he zaw !
Ama leidia khai hla heta keimo Mara saw,
Manoh zydua ta, pabohsana tlarai hria khoh tua suh u.

(Bridge)
Taotuh ronah ta miah piepa rah,
A chhoh liata hmoto a ypazy he;
Pasa thai tah hma thai a chhuah tua suh u,
Eima cha ...... a.a.a.;www.marathyutlia.com
Daihti pha chyuta eima hnei chhoh,
Pakhosa thlahthli thlah ha leipa ta;
Paso thai tah hmah thai a chhuah tua suh u,
Eima rah cha, tiama nah ngachhihna hneina cho ta;
Eima rah cha hria suh u.

FC. Minela Biography

FC. Minela he ko 1976 November Noh 16 Tipa V liata vaw pih ta, a paw cha Puhpa F. Phothy cha ta, ano cha Pihno Chadei a cha. Marapa thyutliapa hry liata Khazohpa reithaina hla a phituhpa a laluah kawpa cha ta, a pahno leipa y ma pi tah theipa a cha. Va-iana hla deikua cha atahma ta eima palasapa hla he a laluah chaipa a cha. ECM Awnanopa, Shillong, Aizawl, College Vaih Hlapy, Theophillus Singer's, Man of faiht, Maraland Outreach nata ECM Assembly Choir-zy chhao varo a chhihtha hapa nata atahma taihta Gospel Outreach Ministry Hlapy chhituhpa Director a cha ngahaihpa a cha. Hla 50 hlei phi hata phahnai a ngiah kawpa ta Mara ECM Local Hlapy hmahsie nawpa ta a theina zydua papuapa ta Khi hluhpi liata Hlapy Camp-zy chhao a hneikhei tyh ei. 2001 March Noh 20 pa ta Catherine B. Zizi nata a hnei ei ta, Sawchapaw 1 nata sawchano 1 hneipa ta College Vaih, Siaha liata ama pahra nga hai.

Dr. S. Hrachu Biography

Dr. S. Hrachu he 1933 May 15 pa ta Chhaolo Khih liata vaw pih ta, a paw cha, Puhpa Keichhyu Syuhlo cha ta, ano Pihno Nokua Notlia a cha. 1956 January Noh 4 pa ta Sony Zawthah nata a hnei ei ta, Sawchapaw 2 nata sawchano 6 ama hnei. Mara reih a thai kawpa a chapa vata, Headmaster Primary Teacher P/S a retired tawhta proof Reading awpa ta MADC ry liata a ngia. Ano he chyhsa a reisi kawpa, a hmotaona liata tiamapa nata a rai liata a pie pasa kawpa a cha. Khitlah nata Awnanopa lia chhao apachy tlah cha awpa ta a pie pasa kawpa cha. Chabu 10 roh ta Hla 162 phi ta 2011 May 16 pa ta Chennai su liata Foreign USA Florida tawhta Doctor of Literater chana ama vaw hla. Mara saw hry tawhta he hawhpa palyupalihna a dao phapa a y chhohpa a cha. Tahma College Vaih, Siaha liata ama pahra ngahai.

Dawdaw Hlychho Biography

Dawdaw Hlychho he Puhpa HC. Beily nata Pihno VT. Vano zy sawchano utheih chaipa cha awpa ta 1984 December Noh 1 pa ta, Thosaih Khih liata pih ta, ano he Mara chano hry liata Va-iana hla a phi hluh chaipa a cha thlyu aw ? Hla 70 rachhoh phi ha ta, a hlaphipazy he a laluah kawpa sai a cha. Tahma he Makhu Azyu nata a hneipa ta, Sawchapaw pakha nata Sawchano pakha hnei ei ta, Siaha College Vaih liata ama pahra ngahai.

C. Siacho Biography

C. Siacho he Puhpa C. Kocho nata Pihno L. Billy zy saw cha awpa ta 1954 January 23 pa ta Laty Khih liata vaw pih ta, 1976 January 10 pa ta H. Nasi nata a hnei ei ta, Sawchapaw 2 nata sawchano 2 ama hnei, Hla nata bie a pahah kawpa cha ta, hla 3 phi ta Maraland Gospel Centenary ko 2007 pa liata 'Maraland Programme' tahpa Chabu a papua. Khitlah nata Awnanopa liata a hmah kawpa a cha. Tahma Saikao Khih liata ama chhohkha ta ama pahra hai.

C. Lalhranga Biography

C. Lalhranga he 1959 September 5 ta Thiahra khih liata pih ta, a paw cha Puhpa C. Zaluaia (L) cha ta, ano Pihno S.Siechua a cha. Ano he Khitlah NGO's nata Awnanopa liata hmatlah a cha kawpa cha ta, Hla nata bie pahah kawpa a cha hra. Hla 23 phi ta Article chhao varo tlai a roh ha hra. Nietluana liata Health Worker rai hria ta, C. Lalhualhimi nata a hnei ei ta, Sawchapaw 3 nata sawchano 1 ama hnei. New Siaha liata ama pahra hai.

Beithakhu Hlychho Biography

Beithakhu Hlychho he 1950 January 26 pa ta Tipa 'V' lia pih ta, a paw cha, Puhpa Sacho Hlychho cha ta, ano cha Pihno C. Tinzingi a cha. Ano he hlasa a thai hleikho ta hla phi a thaipapa a cha. Hla sahrawh (10) phi ha ta, 1989 January pa kha ta a Cassette chhao a papua ha hra. Lohliena a hnei kawpa nata Hla nata Bie a pahah kawpa chysa a cha. Music chhao anokhi ta cha, a thai kaw hra. 1975 March Noh 7 pa liata HC. Zari nata a hnei ei ta, Sawchapaw 5 nata Sachano 2 ama hnei. Atahma he Council Vaih, Siaha liata ama pahra nga hai.

AZ. Ngokhaw Biography

AZ. Ngokhaw he 1979 July 29 pa ta Chapi Khih liata pih ta, a paw cha Puhpa AZ. Laicho (L) cha ta, ano cha Pihno KT. Zathlei a cha. Ano he Music a thei kawpa cha ta, Hla he a phi hluh lei tarawpa ta a phi tlakahpa deikua a laluah kaw. Tahma College Vaih Siaha liata a pahra hai.

Andrew Richard Biography

Andrew Richard he 1962 August Noh 21 pa ta Saikao Khih liata pih ta, a paw cha Puhpa P. Richard cha ta, ano cha Pihno L.Sapai a cha. Ano he Hlasa a pahah kawpa cha ta, 1989 pa liata Khazohpa Reithaina Hla Audio Cassette chhao a papua ha hra. 1985 September 25 pa liata T. Edomi nata a hnei ei ta, sawchapaw 1 nata sawchano 3 ama hnei. Hla 4 phi ta Music chhao ano khi ta cha a thai kaw hra. Lorrain Ville Saikao liata ama chhohkha ta ama pahra hai.

Amasa syuhlo Biography

Amasa syuhly he a paw cha Puhpla S. Tohra cha ta, ano cha Pihno N. Chaku a cha. Chhaoloh khih liata vaw pih ta, Solfa a thai kawpa a cha hleikho ta Hla chhao 97 tlai phi ta, ano he chyhsa a reisi kawpa a cha. Chhaolo ECM KTP ry liata Conductor rai varo tlai a vaw chakao ha hra 2002 May Noh 7 pa ta Z. Siakho nata a hnei ei ta sawchapaw 1 nata sawchano 2 ama hnei. Nie tluana liata cha Health Sub-Centre Chhaolo liata hria ta, New Siaha liata ama pahra.

A.Thazi Biography

A. Thazi he Puhpa A. Zakia nata Pihno K. Thleiso likah liata 1972 July Noh 4 pa ta Siaha Vaihpi liata vaw pih ta, ano Music nata Sports a pahah kawpa a cha. Mara Hla nata Bie palaipaseihsa awpa ta a theina zydua daihti a hmah tyhpa cha ta, 2003 January 28 liata Mara Hlasa Apazao Pakhypa Py (MHAP) atahma tah MHP eima tah hapa a vaw paduatuhpa a cha. Khitlah nata Awnanopa liata a hmah kawpa nata Hlasa thaipazy promote-na kyh lia chhaota chyhsa a piepasa kawpa a cha. Hla 37 phi ta Music Vedio Album nata Audio Album chhao varo tlai a vaw pachhuahpano ha hra. Nie tluana liata cha Sport Instructor, MADC rai a hria haipa a cha. 1998 November Noh 6 pa ta Good Friday Pawngia nata a hnei ei ta, Sawchapaw 3 nata Sawchano 1 hnei ei ta, Siaha Vaihpi liata ama pahra hai.

A. Chhualai Biography

A. Chhualai he Puhpa A. Haodo nata Pihno J. Tony saw cha awpa ta, ko 1964 April noh 17 pa liata Siaha Sapi tlah liata a vaw pih. Ano he hla nata bie apahah kawpa cha ta, hlasa a thaipa dei chhao cha leipa ta hla phi thaipapa a cha. Audio Cassette sa 2 tao ha ta, hla chhao 32 a vaw phi ha hra. Ko 1994 December Noh 4 pa liata HC. Siadi nata a hneipa ta sawchawpaw palih ama hnei. Nietluana la liata Indtructor, Art & Culturs MADC Siaha liata a hria nga haipa cha ta, Meisavaih liata ama pahra hai.